Семинар- практикум

2021 жылдың 9 ақпанында Н.Островский атындағы √4 Күршім орта мектебінде "Оқушылардың оқу жетістістерін критериалды бағалау: критерийлер, тапсырма дайындау, жиынтық бағалауды ұйымдастыру, модерация" тақырыбында онлайн семинар-практикум болып, өтті. Семинар барысында "Ценю я радость тишины" (По творчеству Ю.Друниной) тақырыбында орыс әдебиеті пәнінен 11 сыныпта ашық сабақ өткізілді. Сабақты мектептің жоғары санатты, тәжірибелі ұстаз - Серикбаева А.Н. жүргізді. Орыс тілі мен әдебиеті пәнінің мұғалімі - Акшабаева Р.Ч. "Бөлім бойынша жиынтық бағалау өткізуде тапсырмаларды дайындау" тақырыбында вебинар- практикум өткізіп, өз тәжірибесімен бөлісті. "Тоқсан бойынша жиынтық бағалауға модерация жүргізу" тақырыбында Кумаргалиева З.О. вебинар өткізді. Вебинар барысында мұғалім өз тәжірибесінен мысалдар келтіре отырып, қатысушы мұғалімдермен бірігіп модерация жүргізу тәсілдерімен бөлісті. Барлық іс-шара Zoom платформасы арқылы өткізілді. Семинар соңында, кері байланыс айдарында семинарға қатысушы мұғалімдер өз пікірлерімен бөлісіп, ұсыныстарын білдірді.