“Ұрпақ ұлттық ойынмен шыңдалады” атты спорттық ойындар сайысы

10 “б” сыныбының жетекшісі Еркежан Жаңабайқызының ұйымдастыруымен және дене шынықтыру пәні мұғалімі Құралбек Текмановтың қолдауымен 9-10 сыныптар арасында “Ұрпақ ұлттық ойынмен шыңдалады” атты спорттық ойындар сайысы өтті.

Сайыстың мақсаты:
- Ата – бабадан мирас болып қалған дәстүрлерді жаңғырту және оны келешек ұрпаққа жеткізу;
- Қазақ халқының ұлттық ойындарын оқушыларға танытып, оларды құрметтеуге баулу;
- Ұлттық ойындар арқылы жас ұрпақтың елге, жерге деген сүйіспеншілігін арттыру.

Сайысқа қатысушылар “Арқан тарту”, “Асық ату”, “Оқтау тартыс”, “Тапқыр болсаң тауып көр” сынды ойын түрлері бойынша сайысқа түсті.

Сайыс нәтижесінде:
I орынды “Алаш” командасы
II орынды “Барыс” командасы
III орынды “Достық” командасы иеленіп, мақтау қағаздарымен марапатталды.